Эрхэм хүндэт нийслэлийн иргэн та, Нийслэлийн Иргэдийн Төлөөлөгчдийн хурлын байгууллагын цахим хуудсанд тавтай морилно уу.
Нийслэлийн Иргэдийн Төлөөлөгчдийн Хурал нь иргэдээс сонгогдсон төлөөлөгчдөөр дамжуулан хуулиар олгогдсон бүрэн эрхийн хүрээнд хотын хөгжил, иргэдийн сайн сайхны төлөө бодлого, шийдвэр гаргадаг байгууллага билээ.
Иргэн та хуулийн дагуу нутгийн удирдлагын байгууллагад нийслэл хотынхоо эдийн засаг, нийгмийн тулгамдсан асуудлыг хэлэлцүүлж, шийдвэрлүүлэхээр санал, санаачилга гаргах бүрэн эрхтэй.
Бид үйл ажиллагаа, бодлого шийдвэртээ иргэд, хувийн хэвшлийнхэн, бизнес эрхлэгчдийнхээ дуу хоолойг тусгаж, эрх ашгийг дээдлэн ажиллахыг эрхэм болгодог.
Манай цахим хуудас болон олон нийтийн сувгууд танд үргэлж нээлттэй байж, НИТХ-аас гарч буй албан ёсны тогтоол, шийдвэр, үйл ажиллагааны мэдээллийг цаг алдалгүй, ил тод хүргэж байна. Нийслэл хотынхоо хөгжилд үнэтэй хувь нэмэр оруулах санал санаачилгыг үргэлж талархан хүлээн авах болно.
Нийслэлийн Иргэдийн Төлөөлөгчдийн Хурлын дарга Дашнямын ИХБАЯР